Philharmonie Larochette

Léif Frënn vun der Fielser Musek

D’Fielser Musek feiert am Joer 2012 hiren 175 Gebuertsdag. Dat ass eng laang Zäit. Do si vill Saachen geschitt ob der Welt an och an der Fiels. Während dëser ganzer Zäit hu Musikanten sech engagéiert an hirer Fräizäit fir dat kulturellt Liewen an der Fiels ze beräicheren. Hinnen eisen Merci an eise grousse Respekt. D’ass flott ze gesinn dass et haut, trotz Internet, PC, Fernseh an aner nei Intressien, nach jonk Leit gëtt déi sech hier ginn fir Musek zemachen.

Et gëtt zwar ëmmer méi schwéier an eiser schnellliewescher Zäit Idealisten ze fannen fir an engem Veräin matzeschaffen, an trotzdem si mir am Moment nach eng flott an engagéiert Trupp. Mä mir wieren natierlech iwwer all neien Member frou. D’Fielser Musek ass eng ideal Platz och fir Jugendlecher, soziaalt Zesummeliewen zwëschen de Generatiounen ze léieren an ze liewen. Kommt bei eis, mir freeën eis.

De President

Roger ANTOINE